Autunn in del bosch

Cammini in mezz al bosch

i piant che me circonda

hinn ' dree giamò a ingialdiss

e on gran silenzi intorna

me tegn de compagnia.

D' on bòtt travers i lares

on ragg de so, 'na sferla

la passa e la s' ciariss

'sto bosch che par che'l dòrma

On attim, ona lusnada,

poeu torna anmò tutt scur.

.

Voo innanz e in lontananza

senti el boià d'on can

e i vers de duu scorbatt

che giren in del ciel.

Rimiri la vallada

e 'l so che pian el cala,

on son legger legger

lontan d'ona campana

el me scorliss: e già

l'è ora de tornà

alter campann risponden

sònen... ven giò la sera.

Finiss 'n'altra giornada,

vivuda in santa pas

là in alt, visin al ciel

distant da sto mondasc,

ingord e prepotent

che ha miss de part la gent