Per on nostalgich
del temp andaa
(Pier Luigi Amietta)
Per on nostalgich del temp andaa
Nostalgich de coss'è? Dill ancamò
'se l'è che te rimpianget, famm capì:
la palta che l'asfalt l'ha quattaa giò?
La luserna a petròli de impienì?
O forsi te gh'hee anmò la nostalgia
de l'orinari al pòst del vater clòs?
De la pellagra e de la carestìa?
D'i ball de carta? Del flit? Del pan pòss?
O d'i bordòcch? O di pòmm coi cagnòtt?
Di càmol ò di pùres malarbett?
De la polenta invece d'i biscòtt
oppur del prét per tegnì cald el lett?
O magari, de noeuv, te piasarìa
avegh el giazz al pòst del "frigidaire"
e dòpo on dì la carna de sbatt via?
O 'na rattéra al pòst del piedatèr?
Te vorarìsset, magari, fà i scàl
a pee, minga podè scernì se fài
con l'ascensor ("l'è talment provincial"),
cunta nagòtt se te fann mal i cài...
Te dispiàs ch'el gh'è pù, sia 'me la sia,
el famos cavadent de Pòrta Cicca...
(invece de dentista e anestesia
quand ti te gh'heet el mal de dent che pica),
"Eren bei temp", nostalgich, minga vera?
Ti te see mai cressuu...Resta bagai,
ma spèttet nò de numm la bella cera...
Tàcchet al tram (s'intend, quell a cavai).
Per un nostalgico dei tempi andati
(Due canzoni e una coda - Canzone prima)
Nostalgico di cosa? Dillo ancora
cos’è che rimpiangi, fammi capire:
il fango che l’asfalto ha coperto?
Il lume a petrolio da riempire?
O forse hai ancora nostalgia?
del pitale al posto del WC?
Della pellagra e della carestia?
Delle palle di carta? Del flit? Del pane raffermo?
O degli scarafaggi? O delle mele con i cagnotti?
Delle camole o delle pulci maledette?
Della polenta invece dei biscotti
oppure del “prete” per tener caldo il letto?
O forse, ancora, ti piacerebbe
avere ancora il ghiaccio al posto del frigorifero
(e dopo un giorno la carne da buttare via)?
O una topaia invece del pied-à-terrre?
Vorresti, forse, far le scale
a piedi, non poter scegliere se farle
con l’ascensore (“ è talmente provinciale”),
non importa se ti fanno male i calli...
Ti dispiace che non ci sia più, sia come sia,
il famoso cavadenti di Porta Ticinese
(invece di dentista e anestesia
(quando hai il mal di denti che ti tormenta),
"Erano bei tempi",nostalgico, non è vero?
Tu non sei mai cresciuto...Resta piccino,
ma non attenderrti da noi la simpatia...
Attaccati al tram (beninteso, quello a cavalli).
