Duu de November
Ona spanna
de luna smòrta
la va e la ven
tra i sgrinf di nivol
besinfì
de fumm e de
vapor.
Chi sa quant'hinn i or?
Friscol de nebbia
mesciaa
al ciaror che riva;
el primm oggin de lus
sul dì de semper,
dì de november.
'N l'aria grisa
se spantega
la vos di orazion
del campanon.
Cinq'or de la matinna,
lavander con la scaldina
se spetten sotta i pòrt
per inviass insèma
a
la Mèssa prima:
l'è el dì di mort. |
|
|