La Magolfa
Sora i copp
de la cà de la mia nonna
duu sorianon
fan la frinfrònna.
Sul mezzanin
el Cecch postin
el schiscia on pisol
sognand on rigol
ciappaa de botta
'n del gioeug di bòcc
de
la Carlòtta;
filaper de bagol e toscan,
penden dal laver.
Passa la gent
già per la via
la cerca el fresch
la va dent 'n l'osteria
che fà on poo
de tabacchee;
on fiolin
el picca i pee
per on sorbett:
des palanchett.
On gir a bellorin
ses ragg a briscolon,
lavagna col
sponghin
via vai de botteglion.
Tri giovinott con la vioeula
cerchen de intonass
de trovà la vos seconda
per fagh la serenada
a quella
bionda,
boccon de la
Spinada.
On lèlla
sapienton
infermee de la
Ronzon
el tira in ball
i impiaster
per guarì d'on
colp
la colite del
capmaster.
'Na quej
gelosia
la derva on
oeucc,
dal boeucc
d'on abbain
spia la
Rosètta;
la gesetta
di strascee
che per fortuna
l'è anmò in
pee,
la spetta che
on quajvun
però on poo in
pressa,
ghe mètta dent
'na pèzza.
Rosari per i
mòrt
a l'è la sort
de tutti sti
donnett
luster e nett.
Se troeuven
tutt i ser
a cà de
l'Adelina,
la dònna pussee
fina
de la Magolfa.
|
|
|