Procession
Ultima de settember
festa de
la Riva,
come semper
el ciel el gh'ha la piva.
EI pret con la pianèta
l'intona la compieta,
'na quej dònna che zabetta.
Ven in scenna el ceregon
a trà in pee la procession:
stee attent o busseree
el standard el borIa indrée.
Tosannett con la cestina
ciappen dent 'n la vestina
de la prima comenion,
mas'cettin col candiron.
Le figlie di Maria
col vel desoravia
del coo ben rizzolaa;
dònn col lumm viscaa
el coll on poo tiraa
el nas on poo per ari,
strasen on rosari.
Coi torc e coi torcion
i òmm de la congrega,
la còtta che rampega,
sc'iarissen el voson
per preparà i canzon.
Su on car ornaa a la bònna
riva
la Madònna
negra e sbarIusenta
su i roeud che se lamenta;
el prevòst ciappent e seri
el tacca i cinqu misteri.
Pont de Via Casal
la gent la derva i al
contra la sbarrada,
genoeucc su la rizzada.
Pont de Via Valenza
de fed sem quasi senza,
porton de l'Erzegovina
altarin de Maria Bambina.
Canton de l'Argelati
caretta coi gelati,
pont de la circonvallazion
attent a voltà el canton
e ciappà sù on scosson.
Ai bord di trottador
el Gin manovrador
el tira 'n pista el car
che in lontananza el par
'na colònna moresina
che pian pian la se vesina.
La gent la canta insèma
latin che par bestèmma;
letanii, certi stecch
fann rescià i busècch.
E dopo l'emozion
de la benedizion,
La
Madonna la va a cà
finalment a requià.