|
Vilan...prepara i boeu!... E' finii de pioeuv,
te speccia la
sciloria in la campagna,
pientada in del terren che gh'è de smoeuv.
Torna el bel temp, se s'ciara la montagna,
e, in l'aria netta, che la par lavada
compar el sô!...Comincia la giornada.
Va innanz...scasciga i boeu che gh'hann la fiacca
e la toa strada fà, che te pertocca.
Saluda el Togn postin cont ona pacca,
dagh 'na rugada al
bàgol, dentr'in bocca
e guarda la campagna masarada,
che la sberlusa al sol, imbrillantada!
La terra, la par lì mezz'indormenta,
ma l'è tutta on surbuj, tutta on germoeuj.
L'è negra, lustra, prègna...invernighenta.
Là, in mezz al praa, è giamò spontaa el trifoeuj,
e, in fond, tra 'l verd de l'erba, el ravetton,
el sbatt di pennelad de giald limon.
Sui pobbi, trema i primm foeujett d'argent,
sui scês, gh'è giamò verd tutt el sambugh,
sui riv, sponta i violett a cent, a cent,
sui piant, i gemm bauscen pien de sugh,
e spetten domà el sô, domà el calor,
per sparà foeura verd a tutt i ór.
In ciel và sù ona lodola a sgolass
incontra al sól, e la se perd, man man...
'Na rondina la vola giò, bass bass...
Canta el cocô in di bosch, lontan lontan
e ona ranetta verda, per la voeuja,
la s'ciòppa de cantà, sora ona foeuja.
La canta la ranetta innamorada
la soa canzon d'amor...Rispond el grì...
poeu tacca el merlo a dagh 'na ziffolada...
On rè de sces el passa e el fà crì-cri,
e, on vitellin de latt, dent in la stalla,
el salta sui sò pè, come ona balla.
Ecco el tò loeugh, vilan, coi sò moron,
in fila drizz, 'me tanti soldaritt.
Chì, te de arà, per mett el formenton...
Và innanz, oh, tira boeu, oh, tira dritt!...
Sprofonda dent i pee in la terra nera,
bisogna dagh adree. L'è primavera!
L'è primavera, bella, che la riva
cont el profumm di bosch... coi sò grì-grì,
col fresch di fontanitt d'acqua sorgiva...
L'è primavera che se fà sentì
con quell'odor de vitta e terra grassa
che ven, portaa dal vent, sù de la bassa.
El ferr el và giò sòtta...el sfonda dent...
la terra la se slabbra e la corr via
come fà l'acqua, sòtta al bastiment...
I boeu donden la testa in compagnia
e vann sù e giò, tran-tran, finna a la sera,
tant lor la senten nò la primavera... Ma la cavalla, sotta al biroccin
che passa in sù la strada incatramada,
la gh'ha come quajcòssa in del
crappin...
La sgroppa, la
sguagniss...l'è infolarmada,
la fà de matt...la gh'ha l'umor cattiv,
par che la gh'abbia adoss l'argento viv...
Ma i galettitt, su l'era, fann la guerra...
Quajcòssa ghe comanda de
inzigass...
se curen in di oeucc, tutt terra terra…
poeu, scatten come mòll...voeuren picass,
e i passaritt, sul tecc, in passerera,
hinn in ferment anlor...l'è primavera!
Finna l'asnin ligaa dedree al
restell,
l'è smòrbi...irrequiett...el picca, el trà,
el gh'ha anca lù on quajcoss, tra pell e pell,
el fa di vers de l'ira...el voeur cantà...
Cert! El saluda anlù, a la soa manra,
el sol, la vitta, el ciel...La primavera!
Canta anca tì, o villan...sù bell...dagh dent...
La terra la se slabbra e la corr via,
come fà l'acqua, sòtta al bastiment...
i boeu donden la testa in compagnia,
e vann sù e giò, tran tran, finna a la sera,
tant lor, la senten nò, la primavera...
Ma, intorna a lor, dal pian, finna ai montagn,
per i rìv,
per i scês, per i scarpad,
in di bosch, per i praa, per i campagn,
in del brugh, in la tèppa, in di gabbad,
l'è tutt on moviment...on
gibilleri,
on incrosass de vôs, pien de misteri.
L'è tutt on trepilà che giuga sotta,
e par ch'el vegna sù, fin di radìs...
l'è on nonsochè per l'aria...l'è on nagota,
che de la terra el monta in Paradis...
l'è on'emozion, l'è on brivid...l'è on torment,
'na sofferenza, on mond...l'è tutt, l'è nient...
L'è on'onda, che te innonda d'acqua ciara,
l'è on boff, on vent, ona tempesta, on tron,
l'è on sfrìs, on sghiribizz...l'è ona fanfara,
l'è 'l sôn de festa de on gran campanon
ch'el batt e ch'el ribatt, a tutt i or:
Amor, amor...Amor, amor, amor!
L'Ave Maria!... 'me tarda a vegnì sera!
La s'è incantada anlee...L'è Primavera!
bàgol
fondo della pipa o del sigaro(che si masticava)
crappin
testolina
gibilleri
giubileo (qui: agitazione)
invernighenta
infocata (qui: ribollente)
inzigass
stuzzicarsi
loeugh
podere
restell
cancello
scascigà
pungolare
sciloria
aratro
sguagniss
mugola |
|
Villano, prepara i buoi. Ha finito di piovere,
ti attende l'aratro nel campo,
piantato nel terreno che devi smuovere.
Torna il bel tempo, si rischiara la montagna
e nell'aria tersa, che sembra sia stata lavata
compare il sole: incomincia la giornata.
Va innanzi, pungola i buoi che battono la fiacca,
e fa la strada che ti tocca fare...
Saluta l'Antonio, portalettere, con una amichevole manata,
dà una rimestata al forno della pipa che tieni in bocca,
e guarda la campagna rorida d'acqua,
che luccica al sole, quasi fosse tempestata di brillanti.
La terra sembra quasi addormentata,
ma è tutta un fermento, tutta un germoglio.
E' nera, lucida, gravida, ribollente.
Là, in mezzo ai prati, è già spuntato il trifoglio,
e, sul fondo, tra il verde dell'erba, il ravizzone,
sbatte pennellate di giallo limone.
Sui pioppi tremano le prime foglioline d'argento,
sulle siepi è già verde il sambuco,
sulle scarpate, spuntano le violette, a cento a cento,
sulle piante le gemme fanno bava piene di succo,
e non aspettano che sole e calore,
per sparar fuori verde ogni momento.
In cielo sale un'allodola a sgolarsi
incontro al sole, e scompare nell'azzurro.
Una rondine vola rasente al suolo...
Canta il cuculo nei boschi lontani,
e una raganella per la voglia,
scoppia dal cantare sopra una foglia.
Canta la ranetta innamorata
la sua canzone d'amore...Risponde il grillo...
poi comincia il merlo a fare una fischiata...
Uno scricciolo passa e fa il suo verso,
e un vitellino di latte, dentro la stalla,
salta sui suoi piedi, come una palla.
Ecco il tuo campo, villano... Coi suoi gelsi
in fila, dritti, come tanti soldatini.
Qui devi arare per seminare il granoturco.
Avanti, tira bue, tira dritto!...
Affonda i piedi nella terra nera,
bisogna far presto. E' primavera!
E' la primavera bella, che arriva
col profumo dei boschi... coi suoi grilli,
col fresco dei fontanili d'acqua sorgente...
E' primavera che si fa sentire
con quell'odor di vita e terra grassa
che viene, portato dal vento, su, dalla Bassa.
Il ferrto va giù, sotto, e sfonda il terreno...
La terra si slabbra e corre via
come fa l'acqua sotto il bastimento...
I buoi dondolano la testa in compagnia
e vanno su e giù, placidamente, fino alla sera,
tanto loro non la sentono la primavera. Ma la cavalla, sotto al barroccino
che passa sulla strada asfaltata,
ha come qualcosa nella testolina...
Sprizza schiuma, nitrisce lamentosamente, è eccitatissima,
fa la matta, è di cattivo umore,
sembra abbia addosso l'argento vivo...
Ma i galletti, sull'aia, fanno la guerra!
Qualcosa comanda loro di stuzzicarsi...
si fissano negli occhi, terra terra,
poi scattano come molle...vogliono litigare,
e i passeri, sul tetto, in passeraia,
sono in fermento anche loro...è primavera!
Perfino l'asinello, legato dietro al cancello,
è ringalluzzito, irrequieto...spara calci,
ha anche lui qualcosa tra pelle e pelle,
fa versi dell'altro mondo...vuol cantare...
Certamente! Saluta anche lui, alla sua maniera,
il sole, la vita, il cielo...La primavera!
Canta pure tu, villano...Dacci dentro...
La terra si slabbra e corre via,
come fa l'acqua, sotto il bastimento...
I buoi dondolano la testa in compagnia,
e vanno su e giù, placidamente, fino alla sera,
tanto loro non la sentono la primavera...
Ma intorno a loro, dal piano alle montagne,
per le rive, per le siepi, per i pendii,
nei boschi, nei prati, per le campagne,
nella brughiera, fra il muschio, nei filari d'alberi,
è tutto un movimernto....un'agitazione morbosa,
un incrociarsi di voci, pieno di mistero.
E' tutta una trepidazione che gioca sotto,
e pare affiori dalle radici...
E' un non so che nell'aria, è un niente
che dalla terra sale in Paradiso...
E' un'emozione, è un brivido... un tormento,
una sofferenza, un mondo...E' tutto e niente! E' un onda che ti innonda d'acqua chiara,
è un soffio di vento, una tempesta, un tuono;
è una scintilla, un ghiribizzo... una fanfara,
è il suonare a festa di una grande campana
che batte e che ribatte a tutte le ore:
Amore, amore, amore...Amore, amore, amore!
L'Ave Maria!.. Come tarda a venire la sera!
Si è attardata, estatica, anche lei...E' primavera!
|
Primavera
(Giovanni Barrella)
