La tira pù l'arietta remondina

de quij s'ciasser giomad de primavera:

se comincia a sudà prest de mattina

e se tacca a boffà fina alla sera.

I campagn hinn bej d'or per el forment,

che madura e fioriss giusta in sto mes,

tempestaa de cent smagg d'on ross foghent

di popolann avert e di scires.                           .

L'è el temp di scampagnad in compagnia,

della magiostra - e l'è inscì fresca e bella!­

e a fà l'amor ghe ven la frenesia

. .

alla donna madura e alla pivella.

El sô tucc i malann el brusa via,

a men che per el frecc no se barbella