Dent che sberlusissen

in ona bocca

averta a la ridada,

Oeucc che brillen

'me fior fresch

sotta la rosada

Man che picchen

sul tambur

de la felicitaa

Coeur che canta

a la vitta

pien de contentezza

e che sorrid

ne la certezza

d'on diman semper belI.

Noia

Bocca che se derv

in sbadilji

grand 'me ona cà.

Oeucc che se sara

nel desideri

de fà nagott

Temp che passa

senza penser

e senza aspirazion

A la fin

el rimors

d'avè desmentegaa

che la vitta

la g'ha on valor

se on quejcoss se dà.

Tristezza

Front carpognenta

'me quella d'on vecc

che pensa puu.

Coo sbassà giò

'm'el fudess

. quel d'on peccador

SS'cenna piegada

sotta el pes

d'on dispiasè

Delusion in del coeur

ch'el piang

'me ona vit tajada

in del torment d'on sogn

che la realtà