Vorevi ona bosia

Tre poesie di... Marisa Calvi Sollima

Testo originale

Traduzione

Vorevi ona bosia (passerella di poesia: autunno 1989)
(fuori dalla sala di rianimazione, in attesa di un verdetto.... ... un triste verdetto)

Settada su on sgabell
Coi man sott al barboss
I oeucc perduu in del voeui,
Spettavi ona notizia...

........................

E ven incontra grev ...
El guardi, el mè papà...
V orevi ona bosia,
El m'ha dii la verità.

L'età pussee bella (passerella di poesia: novembre 1990)
(la gioia di diventare nonna per la prima volta.)

Cinquantott, vintitrii
e on bell zero rotond;
hinn nò numer del lott:

hinn i mè ann,
i sò del mè tosin,
e quei del sò bambin ch'è dree a rivà.

Ecco, per mì l'è questa
la pussee bella età!

Per tì (passerella di poesia: maggio 1994)
(a sua madre, appena mancata, per la "Festa della mamma" nel suo ricordo).

Te regali ona rosa,
perchè incoeu l'è el tò dì;
L'ha gh'ha in nomm nostalgia,
la profuma de vent...

Ma su i àl de quel vent
che 'l sospira con mì,
a gh 'è men solitudin,
e te senti anmò chì.