Scìmes, pùres ...  (Carlo Porta)            

Scìmes, pùres ...

Scimes, pures, bordocch, cent pee, tavan,
camol, mosch, pappatás, vesp, galavron,
formigh, zanzar, scigad, vermen, scorpion,
consolev che l’estaa l’è pocch lontan.

Pover bestiolitt! Pover badán!
Mordinn, sciscienn, secchenn, che sii patron,
caghenn in suj pitanz, in sul muson,
crìbbienn i pagn, i frutt, la carna, el gran.

Fee pur quell che ve pias, car bestiolitt,
chè el manch che possem fa per i vost meret
l’è quell de lassav scoeúd tùtt i petìtt.

Inscì magara ve vegniss a tàj
De andà a quarter d’inverna in del preteret
De chi loda l’estaa coj soeu regaj.

Cimici, pulci ...

Cimici, pulci, scarafaggi, millepiedi, tafani,
tarme, mosche, pappataci, vespe, calabroni,
formiche, zanzare, cicale, vermi, scorpioni,
consolatevi che l’estate è poco lontana.

Povere bestioline! Povere creaturine!
Mordeteci, succhiateci, infastiditeci, che siete voi le padrone,
cacateci sulle pietanze, in faccia,
crivellateci i panni, i frutti, la carne, il grano.

Fate pure quel che vi piace, care bestioline,
ché il meno che possiamo fare per i vostri meriti
è quello di lasciarvi soddisfare tutti i capricci.

Vi venisse magari l'idea 
di andare a quartiere d’inverno nel sedere
di chi loda l’estate coi suoi regali..!