Dopo Lavoro allo Stelvio

La passa la «Gazzetta dello Sport»:

cont i sò bei tosann e i omen fort;

l'è on spettacol de ardire e de bellezza:

passa el coragg. passa la giovinezza.

Fegh ala, o brava gent, al sò passagg

el so Dopo Lavoro eI va in viagg

La fa el viagg de Renzo Tramaglino

dopo el lavoro de cercà Lucia.

la fà la strada d' on quei bravo Alpino

dopo el Iavoro faa in la Folgaria.

la fà i sentee che fa i noster paisan

dopo el lavoro de fornim el pan!

Giò la penna tosann che l'Alpenstok

per on di e mezz el pesa pussee pocc;

già i camisett de seda, e el folarin

giò i cappellitt che poggia in sul coppin.

cavei al vent, la sciarpa su a tracolla

i calzettonn e al Stelvio via se molla!

E vialter giovinotti, giò el collett

la cravatta, i torment di cittadin;

la bella pipa, al post di sigarett,

l'acqua sorgiva al post del schampagnin;

per on di e mezz tomee alla sacra terra,

ben fortunaa se l'avii vista in guerra.

Confus in treno, oppur sul torpedon

gh'è pu de subaltemi nè padron;

la fratellanza santa del sgobbà

la collega inquilin e padron de cà;

e se la gent la dis «coss' èl sto ciass»

«L'è la Gazzetta Sport che la va a spass».

L'ha lavoraa tutt l'ann poeu sta Gazzetta,

degh almen una giomada de ripos,

on poo de pausa al sgobatà el ghe spetta,

on di e mezz poeu l'è semper on quaicoss,

tanto pu se in la gita i direttor

la porten su in del regno di aviator!

La fa el percors del gir de Lombardia

e Binda e Girardengo che dà el via,

e costeggiando l'Adda in sens contrari,

la ved la Bianchi, e Tazio Nuvolari,

e su allo Stelvio in del bel ciel turchin,

la ved el vestì bleu, de Ferrarin!

Se el torpedon el se ferma in di voltaad

gh'è semper Spalla che dà on colp de spalla;

se on quai tourista voress fa i bravaad,

sta in pari alla Gazzetta e sorpassalla,

e coi tosann tentass poeu de fa el bamba,

gh'è Nedo Nadi che le fa sta in gamba!

Se la rampega su di tourniqué

par de vedè vun de qui bei cIiché,

con la Milan-San Remo o el Gir d'Italia,

che tanti corridor han tegnuu a balia,

e mettend el motor a pass de om,

gh'è intoma i marciador di pu bei nom!

Su su rampega, bel giomal gloriôs

che all' alba orna de rosa tutt Milan,

che è leggiuu come i letter di morôs,

che se troeuva in sui picch pussee lontan.

che fa capi a chi s'è minga accort,

ch'el nost paes l'è pu el paes di mort!

Su su allo Stelvio per cuntà i travitt

del ciel de Lombardia sorrident,

e guarda giò de là, che de tognitt

gh'è pu nanca la stampa, e dagh al vent,

el tricolor, con la bandera rosa

che sui trionfi d'ier mai la riposa!

E vialter tosann viscor e bei

tornand indree de l'alta Valtellina..

col faccin rosa e sperlusciaa i cavei,

portèe giò la. bell' aria remondina

portela giò coi fior sui scrivanii...

... Ve passarà tutti i malinconii!