Magg

Magg! te ringrazi. - La prima rosa

Te me l'hee dada! - L'è già quajcoss

Per romp la mùtria - che senti indoss.

L'è on sens de frèsch, - che me riposa

De st'antipatica - vita barbosa!

Ma on fior compagn, - (ah! fior baloss!)

Mì gh' el vedevi - semper in scoss,

In testa, in man - d'ona morosa,

E quell profumm, - (l'è propi Iù)

El me mett chì - resuscitaa,

Tutt'i scappad - de gioventù...

Ecco, hinn chì tucc - fotografaa...

O Magg, te preghi, - guardèmegh pù,