EI riva semper cont i sò lusingh,

cont i sò strenn, i lus, milla bombon,

a riciamà on dover de religion

in on trovass insemma casalingh.

L'è bell, l'è tanto belI propi per tucc!

Ma quell di lì gh'hoo in coeur come on chignoeu 

ch'el picca, el spong, el streng giust on biroeu  

e lassa, soja mi, come el piatt succ.

L'è inutil! Podi nò toeumm del penser

certi soldaa ch'hinn mort per on dover!

Hinn chi in la ment, stampaa in fotografia,

vestii de grigio-verde, mal armaa,

senza pellizz, coi scarp dur e sfondaa,

in on paes lontan; propi quell dì....

Vintun soldaa ch'hinn mort...anca per mì....