Colfosco - Nota località dolomitica (come pure quelle citate nel testo della lirica ).

On ciel celest ch'el sfuma in del cobalt

a l'occident là in alt, sora el Gardena,

in una immensitaa tutta serena

che in milla scim doraa troeuva risalt.

EI sberlusiss el soo in tra el Colalt

e'l Pralongià, desotta a la cadena

del Pelmo, la Civetta a fagh de scena,

al Col de Lana. tutt d'on bianch de smaltI

Gh'è nanca on ciccin d'aria, on boff de vent

ch'el scoeuda i piant o 'l metta in moviment

on scepp,  'na frasca secca, on quaj ramett,

de cent camin el fil de fum violett...

E intanta, el poch de nev che gh'è restaa,

el se dislengua sora i sass e i praa...