Hinn mort, pover bagaj, in sofferenza,

senza cognoss el sens de quell morì!

Hann rispettaa el "dover" col concepì

la disciplinna come l'obedienza.

Ai tavol de la legg, la convivenza

di component che voeuren vess inscì

dessoravia a on personal complì,

d'on'italianitaa domà in coerenza.

Hinn mort senza ona fossa, senza cros,

in gran dispresi d'on nemis "biez-bog";

varen nagott lament, supplich, i vos

in 'sto paes ormai quattaa de smog.

Consola el coeur, in d'on cristian contest,

pensà ch'hann infilaa on sentee celest.