El temp

Ciappa, toeu sù el tò fagotell e va,
va via, va via e corr senza fermass,
indoe? Soo nò, ma va,
bisogna fall, bisogna
con quaidun ghe riessa a scappà via,
robaggh el temp al temp...!
E quest l'è quell che in fond se voraria,
ma se pò proppi nò...
Se nass, se viv, se crèppa
ma lù l'è semper quell,
el va, el va, el va...!
E passom tucc, vemm via,
pù o men trebulomm tutti,
per chi, per cosa, se vegnarà el dì
che tutt finissara...?!
On passagg' in del temp, el scior padron
che domina tusscoss
e perdòna nissun...
E l'è la realtaa per tutti nun
tutti, tutti e nissun
pò veggh on'eccezion...
Inscì, ogni tant se pò pensagh perché
magari i nòster ment
se renden cunt de quell che tutti semm:
on nient che passa
e che el temp el sfreguja in del so andà,
come l'è staa e semper el sarà...!