Alt, slanciaa

miss lì 'me 'na cartinna,

el par on maneghin de figurinna.

'Na faccia bella fresca

on ciccinin tirada,

«capelli brizzolati» 'me se dis,

on nas con tant de goeubba

caratteristich segn de nobiltaa.

Vestii tiraa a pennell,

(vun soll in guardarobba per stagion):

difficilment el rid.

Quand el saluda el slonga là man

sincera, averta

e al primm vedell, te diset:

«Fior de scior!» .

Invece... bollettari!

Bolletta ben sconduda, ma sparada.

S'te'l ciappet e te'l voltet gamb a l'ari

ven minga foeura on ghell,

nagott che sonna;

ma... già, se sa...

l'onor l'è minga robba de saccoccia

e lù l'è on scior!