|
El Ronchett di rann
(Luigi Medici)
|
||
| Testo originale | Traduzione | |
|
El Ronchètt di rann
Vah! se slonga l' ombria!... L'è l'ora bònna. La donda la barchètta del traghètt, la campanella del gesin la sònna... l'è l'ora bònna de sta chi al Ronchètt.
Chì la vèggia legria la s'è scrusciada in la cusinna del Ronchett di rann dove gira anmò el sped su la fiammada l'ultima fòrsi di passion nostrann.
Chì lontan da la pressa e da la truscia se sent anmò ona gorga de bon pes, se gòd col frèsch, el pestonin che buscia, e i bòcc che côr in l'ombra de la sces...
......................
(dì de festa)
.......................
Ona barchètta bianca, affusolada la fila via con tant de bandèrina; trii canottier pedinen la sartina coi rèmm in acqua e 'l coeur sora la strada;
slisen sòtta el volton de la ferrada tra i spond bei verd in d'on ciaror de brina, gòden el sol e l'aria remondina, beven la vita e i ôr de la giomada.
Dai lavoreri, dai fusinn, di offizzi, dove se invèggia per sbarcà el lunari pòrten in faccia come on giald de vizzi;
ma in la lancia che côr, che la va giò su l'acqua, in l'aria che gh'ha minga orari, senten la vita che riviv anrnò. |
|
|
