L'erborari (Luigi Medici)                                       

L'erborari

È’ rivaa l'erborari coi sacchett

pien de tutt i profumm d'erba nostrana:

la camamella, fada su a mazzett,

cattada a San Giovann, per la scalmana;

e, per i nerv rabbios, la valeriana,

con tucc i sò virtu plusquam perfett

e, per fà i decotitt e la tisana,

el fior de tili che 'l te scalda in lett...

In fond al sacch gh'hoo l'erba per l'amor

(per fall nass, per balcall, per fall mori)

e gh'hoo la malva per balcà i dolor,

ma me rincress che de sta roba chi

gh'hoo appena quatter foeui e quatter fior

e se la vendi l'è assee pu per mi...