Dal mè poggioeu
(Marcello Restelli)
Dal mè poggioeu
Prima che i oeucc sconfinen su i campagn
rivedi la mia miee che la stend i pagn,
vedi el mè gatt ch'el fa l'equilibrista
sul bord de la ringhera 'me on artista.
Se alzi el coo e guardi on poo lontan
vedi praa, òrt e riser in mezz ai bej campagn;
sari-sù i oeucc e subit me torna in ment
quand 'sti campagn eren pien de gent.
Rivedi i paisan cont'l fer de praa
che tajen l'erba con fadiga, tucc sudaa,
dònn e fioeu cont el baston vòlten el fen,
asen e boeu tiren lòtt-lòtt i car strapien.
I mondin in di riser con la s'cenna piegada,
cont i pee moeujaa e la sòcca bagnada,
cantaven i sò canzon cont allegria
per cascià via stracchezza e malinconia.
Capell de paja e al coll ligaa on panétt,
òmen e dònn tajaven el forment cont el folcett,
a fin estaa cattaven el melgon, semper a man,
portaven foeura i loeuv cont i cavagn.
Quanto hann fadigaa 'sti pover gent,
pur anca stracch-mazzaa eren content,
e la sera dòpo on piatt de minestron
gh'aveven anmò la forza de cantà i sò bej canzon.
Incoeu in dì campagn gh'è quasi pù de gent,
per tajà erba, melgon, ris e forment,
insemma a on grand frecass e on gran odor,
se fà tuttscoss con chi moster de trattor.
Dal mio balcone
Prima che gli occhi sconfinino sulle campagne
rivedo mia moglie che stende i panni,
vedo il mio gatto che fa l’equilibrista
sul bordo della ringhiera come un artista.
Se alzo la testa e guardo un po’ lontano
vedo prati, orti e risaie in mezzo alle belle campagne;
chiudo gli occhi e subito mi torna alla mente
quando queste campagne erano piene di gente.
Rivedo i contadini con gli arnesi da campagna
che tagliano l’erba con fatica, tutti sudati,
donne e ragazzi con il bastone voltano il fieno,
asini e buoi tirano lenti i carri strapieni.
Le mondine nelle risaie con la schiena piegata,
con i piedi a bagno e la sottana bagnata,
cantavano le loro canzoni con allegria
per scacciare stanchezza e malinconia.
Cappello di paglia e al collo legato un fazzoletto,
uomini e donne tagliavano il frumento con il falcetto,
a fine estate coglievano il granturco, sempre a mano,
raccoglievano le spighe con le ceste.
Quanto hanno faticato queste povere genti,
ed anche se stanchi morti erano contenti,
e la sera dopo un piatto di minestrone
avevano ancora la forza di cantare le loro belle canzoni.
Oggi nelle campagne non c’è quasi più nessuno,
per tagliare erba, grano, riso e frumento,
assieme a un gran fracasso e a un gran puzzo,
si fa tutto con quei mostri di trattori.
