Quand finalment sont andaa in pension

hoo ciappaa ona bòna liquidazion.

Avevi decis de fa ona crosera,

ma l’hoo spenduda per famm la dentera.

Sì, el mè progètt  l’era different,

ma gh’è saltaa foeura  el problèma di dènt,

e quand hoo leggiuu el preventiv del dentista

- porca sidèlla - me s’è inaspaa la vista.

Inscì da on problèma m'è nassu on dilèmma:

Ma sì, andà in crosera var minga la pèna.

Allora hoo decis de famm la dentèra

e d'andà sul Navili a fa la crosera!