Cont on fà de lifròcch,

el mè fioeu,

par che quasi el me faga on piasè

a ruzass in del gòss

ona fetta, dò fett,

on scartòzz de giambon

senza nanca on tocchell,

'na freguja de pan.

Mì me smangi e barbòtti sòttvos

ma settada de fianch

gh'è sò mader

che le cova compagn d'ona pitta.

Lee l'è pronta a saltamm in sul coo

se di vòlt,

cont on poo de coragg,

me vegness de vosagh al sò fioeu

che i michett, lì denanz,

               hinn intregh ancamò.

Lassi perd...!

Gh'hoo pù famm...!

Me rugatti el risòtt col cuggiaa,

par che fissi ona grana de ris

ma la ment l'è lontan...

e me senti in la bocca el savor

di castegn straccadent,

morisnaa cont el latt,

che... mangiavi col pan.

on tocchell de pan negher e gnucch

che tra bomb e stremizzi

el doveva durà tutt el dì.

'Dess la pitta la pella i banann

poeu l'imbocca 'me on fioeu piscinin...,

el fa el smòrbi (Sanmarch!)

lù l'è pien de giambon...

de giambon senza pan.

Mi foo mostra de nient,

par che fissi ona grana de ris

ma seguti a rugà i mè penser

compesaa.. .

                        col savor di castegn.

Con un che di sbadato

mio figlio

sembra farmi un favore

a spingersi nel gozzo

una fetta, due fette,

un cartoccio di prosciutto

senza neanche un pezzetto,

una briciola di pane.

lo mi arrabbio e borbotto sottovoce,

ma seduta al fianco

c'è sua madre

che lo cova come una chioccia.

Lei è pronta a rimproverarmi

se alle volte,

con un po' di coraggio,

mi venisse di gridare a suo figlio

che le michette, li davanti,

                sono ancora intere.

Lascio perdere... !

Non ho più fame... !

Giro e rigiro il risotto con il cucchiaio,

sembra che fissi un chicco di riso

ma la mente è lontana...

e mi sento in bocca il sapore

di castagne secche,

ammorbidite nel latte

che... mangiavo col pane;

un pezzetto di pane nero e duro

che tra bombe e spaventi

doveva durare tutto il giorno.. .

Ora la chioccia sbuccia le banane

poi lo imbocca come un bambino....

fà lo schizzinoso (bella forza!)

lui è sazio di prosciutto,

di prosciutto senza pane..

Faccio flnta di niente,

sembro flssare un chicco di riso

ma continuo a frugare i miei pensieri:

accompagnati...

                                dal sapore delle castagne.