Nozze d'oro (Carlo Mosca)                  

Nozze d’oro (1964)

Ma dimm on poo, come t'he faa, Gioann,
in confidenza, dimm come t'he faa
a tegnit taccaa ai cost per cinquant'ann
quella toa Amalia, perla d'i "toeu fiaa ",
che per grazia del Ciel t'è toccaa in sort?!
Bisogna propi dì che te set fort !

L'è bella e bonna crudeltaa mentaal,
tegnì sotta a controll in permanenza
l'umor d'on omm; per captagh el segnaal
d'ona contrarietaa, d'ona impazienza,
privandel de la gioia, dent per dent,
de podè tirà giò quei accident !

 Te see mai staa padron de rivoltass
in-del to lett, per via d'on quei fastidi,
che lee, de istinto, non le indovinass,
sedassàndet la ment cont el sò cribi,
per dissipà i tò preoccupazion
cont on balsem de amor e devozion?

Amor e devozion: duu sentiment
che, de reson, podarien no stà insemma;
ma, quand se incontren, formen on cement,
che teen e resist anca se'I mond el trèmma;
e intanta vun el se troeuva inscì costrett,
che ghe tocca filà come el dirett.

I cognossom, 'sti tipi de fintonn,
che i sò cruzzi se i tègnen tutt per lor,
e, anca quand se sacrifichen, hin bonn
de fagh trovà al marì de'I bon umôr;
e stan a botta a i sò divertiment,
e i goden, basta de vedèll content.

Paren magari fragil, sensitiiv,
ma, quand occor, gh'han feed, gh'han energia;
de moeud che on omm, in-di moment cattiv
el se sent rifornii de caloria;
quand poeu hin passaa, el sa pu se ringrazià
el sò cavigg oppur la soa metà.

Lassémel dì: l'è anmò ben sortida,
'sta coppia de spositt cinquantenarii:
lee, ona cara scioretta (on poo svanida...);
lu, ben saldo al timon d'i sò affari,
nemis de'I fisco, stilé, galantomm,
tutt come se confà a on gentilomm.

E inscì, senz'avegh l'aria, sèm rivaa
in vetta a on bel muccett de primavere!
Guardév in gir; disém in veritaa
se se pò no ciamàll on belvedere,
'sto panorama de parent e amis
affezionaa, che incoeu ve fà cornis !

Se on quei sfacciaa el trovass che cinquant'ann
fan mezz sècol, disegh che'l ben l'è eterno;
che - per soa norma - fin dai temp de Adam
l'amor el patiss minga estaa nè inverno;
el. ghe fa ciera al nivol e al seren.

Cinquant'ann hin on dì, quand se voeur ben!

Nozze d’oro

Ma dimmi un po’, come hai fatto, Giovanni,

in confidenza, dimmi come hai fatto

a tenerti attaccata alle costole per cinquant’anni

quella tua Amalia, perla dei ‘’pedanti’’,

che per grazia del Cielo ti è toccata in sorte?!

Occorre proprio dire che sei forte!

È bella e buona crudeltà mentale,

tener sotto controllo di continuo

l’umore di un uomo; per captagli il segnale

d’una contrarietà, d’una impazienza,

privandolo della gioia, di tanto in tanto,

di poter lanciare qualche anatema!

Non sei mai stato padrone di rivoltarti

nel tuo letto, a causa di qualche fastidio,

che lei, per istinto, non lo indovinasse,

esplorandoti la mente col suo setaccio,                          

per dissipare le tue preoccupazioni

con un balsamo d’amore e devozione?

Amore e devozione: due sentimenti

che, per logica, non potrebbero stare assieme;

ma, quando s’incontrano, formano un cemento,

che tiene e resiste anche se il mondo trema;                    

e intanto uno si trova così costretto

a filar dritto come un ‘diretto’.

Le conosciamo queste tipe di fintone                                        

che si  tengono tutti per sé i propri crucci,

ed anche quando si sacrificano, sono capaci

di far trovare al marito il buon umore,

e condividono la sua allegria,

gioiendo, pur di vederlo contento.

Sembrano magari fragili, sensibili,

ma all'occorrenza, hanno fede, energia;

così un uomo, nei momenti tristi

si senta confortato con calore;

quando poi sono passati, non sa più se ringraziare

la sua fortuna oppure la sua metà.

Lasciatemelo dire: è ancora bene assortita,                      

questa coppia di sposini nel cinquantenario:

lei, una cara signora (un po’ svampita …)

lui, ben saldo al timone dei suoi affari,

nemico del ‘’fisco’’, ‘’stilè’’, galantuomo,

tutto come si conviene ad un gentiluomo.

E così, senza averne l’aria, siamo arrivati

in cima ad un bel mucchietto di primavere!

Guardatevi intorno; ditemi in verità

se non si può chiamarlo un ‘’ belvedere ’’,

questo panorama di parenti e amici

affezionati, che oggi vi fanno da cornice!

Se qualche sfacciato pensasse che cinquant’anni

fanno mezzo secolo, ditegli che l’amore è eterno;

che –per sua norma – fino dai tempi di Adamo

l’amore non patisce nè estate, nè inverno;

fa bella cera a nuvole ed al sereno.

Cinquant'anni sono un giorno, quando si vuole bene!