A la Rosin (Giovanni Ventura)               

 

Testo originale Traduzione  

 

A la Rosin

 

Bella Rosin d'amor!

Toeù, te regali on fior;

On fior che g'ha 'l tò nomm e 'l tò color.

 

Guarda come l'è belI!

Ciàpel... ma voj, bell, bell!

Che 'l g'ha sotta di spin che spong la pell!

 

Te vèdet che peccaa?

On fior tant delicaa,

E inscì sott via el fà anca lù del maa!

 

E pur pazienza anmò;

Che quest almen se pò

Senza toccall, usmall, e sponges no;

 

Ma tì, senza toccatt,

E senza nanca usmatt,

Te sponget coi oggitt domà a vardatt !

 

Commento

 

Invia i tò penser, i tò emozion (anca in italian o ne la lengua che te par)